já hérna sit ég í skólanum, nýbúin á fundi með íþróttaráðinu og
alveg að deyja úr þreytu í augunum!!!!!!!!!!!!!!! Ótrúlegt hvað ég
er þreytt í augunum og hausnum. Þetta hefur líka verið strangir
dagar undanfarið og margt að gerast. En er að fara norður á
fimmtudag og get vonandi endurnýjað orkuna þar í sveitasælunni. Já
við systurnar 3 ætlum að skella okkur saman á þorrablót í
sveitinni.. Bara snilld. Við höfum aldrei farið saman á þorrablót
heima og ég hef reyndar ekki farið á þorrablót heima síðan ég var
17 ára gömul. 
(komin nokkur ár síðan)
En já húsamálin eru eins, nema að byggingarfulltrúinn er búinn
að skoða húsið og er að gera skýrslu sem ég get svo notað í að fá
eitthvað til baka frá þeim sem selja okkur. Hann gat nú ekki annað
en hlegið að sumu í húsinu 
hann sagðist aldrei hafa séð
annað eins.. En þetta fer allt batnandi og verður orðið frábært
vonandi fljótlega. 
(maður verður að vera bjartsýnn)
Ég byrja formlega að þjálfa meistaraflokk kvenna í fótbolta í
kvöld og mun láta þær taka skemmtilega hlaupaæfingu. Ekki beint
gaman að koma inní æfingarnar með svona hætti en þetta verður allt
mun betra. Lofa því stelpur mínar. 
´
En ætla fara koma mér hérðan úr skólanum. Heyrumst